सरूभक्तको जीवनी

sarubhakta1

साहित्यकार सरुभक्तको जन्म वि.सं. २०१२ साल, हरितालिका तीजका दिन पोखरा उप–महानगरपालिकाको बागबजारमा भएको हो । बास्तविक नाम भक्तराज श्रेष्ठ भनेर चिनिने सरुभक्तको साहित्यिक यात्रा २०३४ सालबाट प्रारम्भ भएको हो । करिब चार दशक लामो साहित्यिक यात्रामा उहाँले कविता/गीत/मुक्तक/एकाङ्की, पूर्णाङ्की नाटक/विज्ञान उपन्यास/विज्ञान कथा/बाल साहित्य/उपन्यास आदि विधामा सशक्तरुपले कलम चलाउँदै आउनु भएको छ । उहाँले नाटक, कविता लेखनमा नेपालको सर्बोत्कृष्ट पुरस्कारहरु पाइसक्नु भएको छ भने रङ्गमञ्च तर्फ नाटक लेखन, अभिनय र निर्देशनमा  उत्कृष्टता हाँसिल गरी विभिन्न पुरस्कार र सम्मान पाईसक्नु भएको छ ।

पागलबस्ती उपन्यासका लागि मदन पुरस्कार (२०४८) पाईसक्नु भएका साहित्यकार सरुभक्तले अन्य देश विदेशका दर्जनौं पुरस्कार/सम्मान/अभिनन्दन ग्रहण गरीसक्नु भएको छ । हङ्गकङ्ग पोखरा, चाइना कम्पनी जस्ता लोकप्रिय गीतका सर्जक साहित्यकार सरुभक्तले प्रज्ञा प्रतिष्ठानको प्राज्ञ सदस्यकोरुपमा समेत सेवा गरिसक्नु भएको छ भने हाल उहाँ नेपाल संगीत तथा नाट्य प्रज्ञा प्रतिष्ठानको कुलपति पदमा आसिन हुनुहुन्छ ।।
सम्बन्धित संघ–संस्थाहरु

संस्थापक, पोखरेली युवा साँस्कृतिक परिवार (२०३४)
संस्थापक सल्लाहकार, प्रतिबिम्ब नाट्य परिवार
संयोजक, संरक्षण कविता आन्दोलन (२०५५)
अध्यक्ष, विज्ञान साहित्य समाज
संस्थापक, राष्ट्रिय बाल–प्रतिभा पुरस्कार, पोखरा(२०५६)
पूर्व अध्यक्ष, पोखरा सार्वजनिक पुस्तकालय
संयोजक, आत्मालोचना गोष्ठी
सदस्य, नेपाल राजकीय प्रज्ञा प्रतिष्ठान

 

प्राप्त पुरस्कार/पदक/सम्मान

राष्ट्रिय कविता महोत्सव,तृतीय पुरस्कार–२०३५
अन्तर्राष्ट्रिय अपाङ्ग वर्ष, सर्वोत्तम नाटक पुरस्कार(२०३८)
त्रि.वि. साहित्य प्रतियोगिता, प्रथम (२०३९)
बुशाक स्वर्ण पदक, नेपाल जेसिज (२०३९)
राष्ट्रिय युवा महोत्सव, सर्वोत्तम नाटक पुरस्कार(२०४१)
जी.ए.ए. प्रतियोगिता, सर्वोत्तम नाटक पुरस्कार (२०४१)
राष्ट्रिय कविता महोत्सव, प्रथम पुरस्कार ने.रा.प्र.प्र.–२०४२
राष्ट्रिय नाटक महोत्सव, ने.रा.प्र.प्र.सर्वश्रेष्ठ नाटककार(२०४२)
युवा बर्ष मोती पुरस्कार (२०४३)
गाईजात्रा हाँस्यव्यङ्गय महोत्सव, ने.रा.प्र.प्र. सर्वोत्तम ब्यङ्गय मुक्तककार (२०४३)
आरोहण सम्मान (२०४७)
पागलबस्ति उपन्यास मा मदन पुरस्कार (२०४८)
कस्केली प्रजातान्त्रिक सम्मान (२०४९)
लोकेन्द्र साहित्य पुरस्कार (२०५१)
रत्नश्री पदक (२०५२)
शिरोमणि पुरस्कार (२०५४) (अस्वीकार गरिएको)
नेपाल बाल साहित्य समाज पुरस्कार (२०५४)
महाशिवरात्री संगीत महोत्सव सम्मान (२०५५)
कुमुदिनी कला–साहित्य पुरस्कार (२०५६)
गोपीनाथ आर्याल रङ्गमञ्च पुरस्कार (२०५६)
गणेश–खीलकुमारी दुवाल प्रतिभा पुरस्कार(२०५६)
राष्ट्रिय नाटक महोत्सव(२०३६) (सर्वश्रेष्ठ निर्देशक, अभिनयमा प्रशंसा पुरस्कार अस्वीकार गरिएको)
गङ्की–बसुन्धरा पुरस्कार (उपन्यास,२०५७)
नमस्ते सांगीतिक सम्मान(२०५७)
थकाली सेवा समिति(केन्द्रीय) सम्मान(२०५७)
म्युजिक नेपाल सम्मान (२०५८)
तन्नेरी प्रतिभा सम्मान (२०५८)
वीरेन्द्र–ऐश्वर्य पदक(२०५८)
पृथ्वीनारायण क्याम्पस, स्व.वि.यू. सम्मान(२०५९)
उपन्यास शतवार्षिकी सम्मान (गंकी बसुन्धरा प्रतिष्ठान)(२०६०)
शुक्ला साहित्य पुरस्कार (२०६१)
साहित्य कुञ्ज सम्मान, नेपाली केन्द्रीय विभाग,कीर्तिपुर (२०६२)
अमेरिका–नेपाल सोसाइटी सम्मान, वाशिङ्टन डि.सि.(२०६२)
अन्तर्राष्ट्रिय नेपाली साहित्य सम्मान, डि.सि. मेट्रो च्याप्टर, वाशिङ्टन डि.सि.(२०६२)
न्युयोर्क कलामञ्च सम्मान, न्युयोर्क(२०६२)
धादिङ्ग साहित्य समाज सम्मान (२०६२)
हिमाली साँस्कृतिक परिवार सम्मान (२०६६)
कास्की नेवा खलः सम्मान (२०६६)
पोखरेली युवा साँस्कृतिक परिवार सम्मान (२०६६)
पृथ्वीनारायण क्याम्पस स्वर्ण जयन्ती सम्मान (२०६७)
हमदर्द सम्मान (२०६७)
कास्की आदर्श सेवा समाज सम्मान – कतार (२०६९)
स्याङजा साहित्य समाज सम्मान – कतार (२०६९)
आरम्भ नाट्य डवली सम्मान – कतार (२०६९)
सन्ध्या ग्रुप अलखोर सम्मान – कतार (२०६९)
नेपाल प्रवासी आदिवासी जनजाती महासंघ सम्मान – दोहा, कतार (२०६९)
अन्तराष्ट्रिय नेपाली साहित्य समाज सम्मान – दोहा कतार (२०६९)
नवोदित मोवाइल पुस्तकालय सम्मान – दोहा कतार (२०६९)
अन्तराष्ट्रिय गैर आवासीप नेपाली संघ, सम्मान – दोहा कतार (२०६९)
नेवाःखलः कास्की, सम्मान (२०७१)